ਆਸ

ਸੰ. आस्. ਧਾ- ਬੈਠਨਾ. ਹ਼ਾਜ਼ਰ ਹੋਨਾ. ਹੋਣਾ. ਰਹਿਣਾ ਤ੍ਯਾਗਣਾ। ੨. ਸੰ. आशा- ਆਸ਼ਾ. ਸੰਗ੍ਯਾ- ਲਾਲਸਾ. ਕਾਮਨਾ. ਚਾਹ. ਉਮੈਦ. "ਆਸ ਅਨਿਤ ਤਿਆਗਹੁ ਤਰੰਗ." (ਸੁਖਮਨੀ) ੩. ਦਿਸ਼ਾ. ਤ਼ਰਫ਼. "ਤਾਤ ਖੇਲ ਜਿਂਹ ਆਸ." (ਨਾਪ੍ਰ) ੪. ਸੰ. ਆਸ੍ਯ. ਮੁਖ. ਮੂੰਹ. "ਨਮੋ ਆਸ ਆਸੇ ਨਮੋ ਬਾਕ ਬੰਕੇ." (ਜਾਪੁ) ਮੁਖ ਦਾ ਮੁਖ ਰੂਪ ਅਤੇ ਬਾਣੀ ਦਾ ਅਲੰਕਾਰ ਰੂਪ। ੫. ਚੇਹਰਾ। ੬. ਸੰ. ਆਸ਼. ਭੋਜਨ. ਅਹਾਰ। ੭. ਸੰ. ਆਸ. ਭਸਮ. ਸੁਆਹ. ਦੇਖੋ, ਅੰ. ash । ੮. ਆਸਨ। ੯. ਧਨੁਖ। ੧੦. ਆਸ਼ੁ. ਛੇਤੀ. "ਕਾਲੂ ਕੋ ਬੁਲਾਇ ਰਾਇ ਲੀਨ ਤਬ ਆਸ ਹੈ." (ਨਾਪ੍ਰ) ਦੇਖੋ, ਆਸਾਇਤੀ। ੧੧. ਫ਼ਾ. [آس] ਚੱਕੀ. ਦੇਖੋ, ਆਸਮਾਨ ੧੨. ਫ਼ਾ. [آش] ਆਸ਼. ਉਬਾਲਕੇ ਕੱਢਿਆ ਹੋਇਆ ਕਿਸੇ ਵਸਤੁ ਦਾ ਰਸ, ਜੈਸੇ- ਆਸ਼ੇ ਜੌ.